စနစ်သုံး စည်းမျဉ်းများ

နောက်ဆုံးပြင်ဆင်သည့်ရက်: ၁၇ ဇူလိုင် ၂၀၂၆

၁။ နိဒါန်း

ဤစည်းမျဉ်းများသည် ရွက်နု အမိန့်ရအပေါင်ဆိုင် ၏ စီမံခန့်ခွဲမှုစနစ် (Management System) ကို အသုံးပြုသည့် စီမံခန့်ခွဲသူ (Admin) နှင့် ဝန်ထမ်းများ (Staff) အားလုံးအတွက် သတ်မှတ်ထားသော အသုံးပြုမှုဆိုင်ရာ စည်းမျဉ်းများဖြစ်ပါသည်။

ဤစနစ်ကို Software Development Team မှ တည်ဆောက်ထိန်းသိမ်းပေးထားပြီး ဆိုင်၏ နေ့စဉ်လုပ်ငန်းဆောင်တာများဖြစ်သည့် ဖောက်သည်စာရင်း၊ ချေးငွေမှတ်တမ်း၊ အပေါင်ပစ္စည်းစာရင်း၊ ငွေကြေးလွှဲပြောင်းမှုများကို စီမံခန့်ခွဲရန်အတွက် ဖြစ်ပါသည်။

၂။ စနစ်အသုံးပြုခွင့်

၂.၁။ ဝင်ရောက်အသုံးပြုခွင့်

• ဆိုင်၏ စီမံခန့်ခွဲသူ (Admin) နှင့် ဝန်ထမ်း (Staff) များသာ စနစ်ကို ဝင်ရောက်အသုံးပြုခွင့် ရှိပါသည်။
• အသုံးပြုသူတိုင်းတွင် ကိုယ်ပိုင် အသုံးပြုသူအမည် (Username) နှင့် စကားဝှက် (Password) ရှိရပါမည်။
• စကားဝှက်ကို လုံခြုံစွာ သိမ်းဆည်းထားရမည်ဖြစ်ပြီး အခြားသူများနှင့် မျှဝေခြင်း မပြုရပါ။
• စနစ်အသုံးပြုပြီးတိုင်း အကောင့်ထွက် (Logout) ရပါမည်။

၂.၂။ သက်ဆိုင်ရာ Role ပေါ်မူတည်သော Permission များ

• Software Development Team: စနစ်အားလုံးကို အပြည့်အဝ ထိန်းချုပ်နိုင်ပါသည်။
• Admin: စနစ်၏ နေ့စဉ်လုပ်ငန်းဆောင်တာများ၊ Staff အကောင့်များကို စီမံခန့်ခွဲနိုင်ပါသည်။
• Staff: ဖောက်သည်ချေးငွေ၊ ဖောက်သည်စာရင်းနှင့် ချေးငွေမှတ်တမ်းများကို ကြည့်ရှုထည့်သွင်းနိုင်ပါသည်။
• Role များ အားလုံးအတွက် ခွင့်ပြုထားသော Permission များအတွင်းသာ လုပ်ဆောင်ခွင့်ရပါမည်။

၃။ ဒေတာထည့်သွင်းခြင်းဆိုင်ရာ စည်းမျဉ်းများ

၃.၁။ ဖောက်သည်အချက်အလက်များ

• ဖောက်သည်အမည်၊ ဖုန်းနံပါတ် (Primary နှင့် Secondary)၊ လိပ်စာတို့ကို မှန်ကန်စွာ ထည့်သွင်းရပါမည်။
• ဖောက်သည်တစ်ဦးအတွက် ဖုန်းနံပါတ် နှစ်ခု ကို မှတ်ပုံတင်နိုင်ပါသည်။
• ဖုန်းနံပါတ်သည် အခြားဖောက်သည်တစ်ဦးနှင့် ထပ်နေခြင်း မရှိစေရပါ။
• ဖောက်သည်အချက်အလက်များကို ပြင်ဆင်သည့်အခါ မှန်ကန်ကြောင်း သေချာစစ်ဆေးရပါမည်။

၃.၂။ ချေးငွေမှတ်တမ်းများ

• ချေးငွေပမာဏကို ကျပ်ထောင်ဂဏန်းပြည့်ဖြင့်သာ ထည့်သွင်းရပါမည် (ဥပမာ - ၁၀,၀၀၀၊ ၁၅,၀၀၀၊ ၁၀၀,၀၀၀)။
• အတိုးနှုန်းကို ဆိုင်၏ သတ်မှတ်နှုန်းထားအတိုင်း ထည့်သွင်းရပါမည်။
• ချေးငွေယူသည့်ရက်စွဲနှင့် အချိန်ကို မှန်ကန်စွာ ရွေးချယ်ရပါမည်။
• ချေးငွေထုတ်ချေးပြီးပါက ဘောင်ချာ (Voucher) ထုတ်ပေးရပါမည်။

၃.၃။ အပေါင်ပစ္စည်းအချက်အလက်များ

• ပစ္စည်းအမည်၊ အလေးချိန်၊ ဓာတ်ပုံတို့ကို မှန်ကန်စွာ ထည့်သွင်းရပါမည်။
• ပစ္စည်း၏ ဓာတ်ပုံကို ရှင်းလင်းစွာ ရိုက်ယူရပါမည်။
• ချေးငွေတစ်ခုအတွက် အပေါင်ပစ္စည်းများစွာ ထည့်သွင်းနိုင်ပါသည်။
• ပစ္စည်းအချက်အလက်များကို ပြင်ဆင်သည့်အခါ သေချာစစ်ဆေးရပါမည်။

၄။ ငွေကြေးလွှဲပြောင်းမှုဆိုင်ရာ စည်းမျဉ်းများ

၄.၁။ အတိုးတွက်ချက်ခြင်းနှင့် သွင်းခြင်း

• အတိုးပမာဏကို စနစ်မှ အလိုအလျောက်တွက်ချက်ပေးပါသည်။
• အတိုးတွက်ချက်ပုံစံ:
  - ၇ ရက်အတွင်း ဆပ်ပါက ၁၅ ရက်စာ အတိုးကျသင့်ပါမည်။
  - ၇ ရက်မှ ၃၀ ရက်အတွင်း ဆပ်ပါက ၃၀ ရက်စာ အတိုးကျသင့်ပါမည်။
  - ၃၀ ရက်ကျော်ပါက ရက်အလိုက် တစ်ရက်စာ အတိုးနှုန်းဖြင့် တွက်ချက်ပါမည်။
  - အတိုးပမာဏကို ၅၀၀/၁၀၀၀ စည်းမျဉ်းဖြင့် အနီးဆုံးသို့ ပြန်လည်တွက်ချက်ပါမည်။
• အတိုးသွင်းသည့်အခါ ပြေစာ (Invoice) ထုတ်ပေးရပါမည်။
• အတိုးသွင်းမှုတိုင်းကို စနစ်တွင် မှတ်တမ်းတင်ရပါမည်။

၄.၂။ အရင်းပြန်ဆပ်ခြင်း

• ပထမဆုံးအကြိမ် အရင်းခွဲဆပ်ပါက အနည်းဆုံး အရင်း၏ တစ်ဝက်ကို ဆပ်ရပါမည်။
• ထိုအကြိမ်တွင် အတိုးကိုပါ အပြည့်ပေးချေရပါမည်။
• အရင်းပြန်ဆပ်မှုတိုင်းကို စနစ်တွင် မှတ်တမ်းတင်ရပါမည်။
• အရင်းပြန်ဆပ်ပြီးပါက ပြေစာ (Invoice) ထုတ်ပေးရပါမည်။

၄.၃။ ထပ်တိုးချေးငွေထုတ်ချေးခြင်း

• ထပ်တိုးချေးငွေထုတ်ချေးသည့်အခါ ယနေ့အထိကျသင့်အတိုးကို ရှင်းလင်းရပါမည်။
• ထပ်တိုးချေးငွေပမာဏကို ကျပ်ထောင်ဂဏန်းပြည့်ဖြင့်သာ ထည့်သွင်းရပါမည်။
• ထပ်တိုးချေးငွေမှတ်တမ်းကို စနစ်တွင် သိမ်းဆည်းရပါမည်။
• ထပ်တိုးချေးပြီးပါက ပြေစာ (Invoice) ထုတ်ပေးရပါမည်။

၅။ အပေါင်ဆုံးခြင်းဆိုင်ရာ စည်းမျဉ်းများ

၅.၁။ အပေါင်ဆုံးသတ်မှတ်ခြင်း

• နောက်ဆုံးအတိုးရှင်းရက် သို့မဟုတ် ချေးငွေယူရက်မှစ၍ ၆ လ (၁၈၀ ရက်) ကျော်လွန်ပါက ပစ္စည်းကို အပေါင်ဆုံးအဖြစ် သတ်မှတ်ပါမည်။
• အပေါင်ဆုံးသတ်မှတ်ခြင်းကို စနစ်မှ အလိုအလျောက် ဆောင်ရွက်ပေးပါသည်။
• အပေါင်ဆုံးသတ်မှတ်ပြီးပါက ပစ္စည်းကို ဆိုင်မှ ရောင်းချပိုင်ခွင့်ရှိပါသည်။
• ဖောက်သည်က ငွေပြန်ဆပ်ပါက အပေါင်ဆုံးစာရင်းမှ အလိုအလျောက် ပယ်ဖျက်ပေးပါမည်။

၆။ Role အလိုက် တာဝန်နှင့် အခွင့်အရေးများ

၆.၁။ Admin တာဝန်များ

• စနစ်ကို အပြည့်အဝ အသုံးပြုနိုင်ပြီး စီမံခန့်ခွဲမှုအားလုံးကို ဆောင်ရွက်နိုင်ပါသည်။
• Staff အကောင့်များကို ဖန်တီးခြင်း၊ ပြင်ဆင်ခြင်းနှင့် ဖျက်ခြင်းများ ဆောင်ရွက်နိုင်ပါသည်။
• ရင်းနှီးမြှုပ်နှံငွေ (Owner Loan) နှင့် အသုံးစရိတ် (Expense) များကို စီမံခန့်ခွဲနိုင်ပါသည်။
• ဒေတာများကို Excel ဖိုင်အဖြစ် ထုတ်ယူ (Export) နိုင်ပါသည်။
• စနစ်တွင် အမှားအယွင်းတွေ့ရှိပါက Software Development Team အား ချက်ချင်းအကြောင်းကြားရပါမည်။

၆.၂။ Staff တာဝန်များ

• ဖောက်သည်ချေးငွေ (Customer Loan) ကို အသုံးပြုနိုင်ပါသည်။
• ဖောက်သည်စာရင်းနှင့် ချေးငွေမှတ်တမ်းများကို ကြည့်ရှုနိုင်ပါသည်။
• ဖောက်သည်အသစ်စာရင်းသွင်းခြင်းနှင့် ချေးငွေအသစ်ပြုလုပ်ခြင်းများ ဆောင်ရွက်နိုင်ပါသည်။
• ဖောက်သည်၏ ကိုယ်ရေးအချက်အလက်များကို လျှို့ဝှက်ထားရပါမည်။

၇။ စနစ်လုံခြုံရေး

• စကားဝှက်ကို ပုံမှန်ပြောင်းလဲရပါမည်။
• စနစ်အသုံးပြုပြီးတိုင်း အကောင့်ထွက်ရပါမည်။
• စနစ်သို့ ဝင်ရောက်အသုံးပြုသည့် စက်ပစ္စည်းများကို လုံခြုံစွာ ထိန်းသိမ်းရပါမည်။
• သံသယဖြစ်ဖွယ် လုပ်ဆောင်ချက်များတွေ့ရှိပါက Admin သို့မဟုတ် Software Development Team အား ချက်ချင်းအကြောင်းကြားရပါမည်။
• စနစ်အတွင်း လုပ်ဆောင်ချက်အားလုံးကို Audit Log တွင် မှတ်တမ်းတင်ပါသည်။

၈။ စနစ်ပြင်ဆင်မှုများ

• ဤစည်းမျဉ်းများကို Software Development Team မှ အခါအားလျော်စွာ ပြင်ဆင်နိုင်ပါသည်။
• ပြင်ဆင်ချက်များကို System Admin နှင့် Staff များအား အကြောင်းကြားပါမည်။
• ပြင်ဆင်ချက်များကို ကြေညာပြီးနောက် ဆက်လက်အသုံးပြုခြင်းသည် သဘောတူညီကြောင်း ဖော်ပြခြင်းဖြစ်ပါသည်။

၉။ စကားဝှက်ပြန်သတ်မှတ်ခြင်း

• Admin နှင့် Staff များသည် မိမိ၏ စကားဝှက်ကို မေ့နေပါက Super Admin (Software Development Team) ထံ တောင်းဆိုနိုင်ပါသည်။
• တောင်းဆိုမှုကို Super Admin ထံ သတိပေးချက် ပေးပို့ပါမည်။
• Super Admin မှ စကားဝှက်ကို ပြန်လည်သတ်မှတ်ပေးနိုင်ပါသည်။
• စကားဝှက်ပြန်သတ်မှတ်ပြီးပါက သုံးစွဲသူအား အကြောင်းကြားပါမည်။

၁၀။ ဒေတာအဟောင်း ပြောင်းရွှေ့ခြင်း

• စနစ်သို့ ဒေတာအဟောင်းများ ပြောင်းရွှေ့ထည့်သွင်းရာတွင် မှန်ကန်မှုရှိစေရန် သေချာစစ်ဆေးရပါမည်။
• ပစ္စည်းဓာတ်ပုံများကို မှန်ကန်စွာ တွဲချိတ်ထည့်သွင်းရပါမည်။
• ဒေတာအဟောင်း ပြောင်းရွှေ့ပြီးပါက မှန်ကန်ကြောင်း စစ်ဆေးရပါမည်။

၁၁။ ဆက်သွယ်ရန်

ဤစည်းမျဉ်းများနှင့် ပတ်သက်၍ မေးမြန်းလိုပါက အောက်ပါလိပ်စာများမှတစ်ဆင့် Software Development Team အား ဆက်သွယ်နိုင်ပါသည်။

• ဖုန်းနံပါတ်: 09-404246060 , 09-791828900
• အီးမေးလ်: minkhantnaing1010@gmail.com